1. Heç vaxt səhv etməyən insan, heç vaxt yenilik etməyən insandır.
2. Elm – məktəbdə öyrədilən şeyləri yaddan çıxardıqdan sonra yerində qalanlardır.
3. Mən öz təxəyyülümdə rəssam kimi şəkil çəkməkdə azadam. Təxəyyül vacib elmdir. Elm məhduddur. Təxəyyül isə bütün dünyanı əhatə edir.
4. Yaradıcılığın sirri öz ilham mənbəyini gizli saxlamaqdan ibarətdir.
5. İnsanın qiyməti onun nail ola biləcəyi ilə deyil, dünyaya bəxş etdikləri ilə müəyyən olunmalıdır. Nailiyyət qazanmağa deyil, qiymətli insan olmağa çalışın.
6. İki cür yaşam tərzi var: siz elə yaşaya bilərsiniz ki, elə bil möcüzələr olmur və elə yaşaya bilərsiniz ki, elə bil bu dünyada hər şey möcüzədir.
7. Özümə və düşünmə bacarığıma nəzər yetirərkən belə nəticəyə gəlirəm ki, təxəyyül və fantaziya qabiliyyətim mənim üçün bütün abstrakt düşüncə qabiliyyətimdən daha çox əhəmiyyət kəsb edir.
8. Qoyun sürüsünün nöqsansız üzvü olmaq üçün, ilk növbədə qoyun olmaq lazımdır.
9. Əvvəlcə oyun qaydalarını öyrənmək lazımdır. Bundan sonra hamıdan yaxşı oynamağa başlamaq olar.
10. Sual verməkdən usanmamaq vacibdir. Maraq hissi insana boş yerə verilməyib.
Eynşteynin məsələsi
Küçələrin birində müxtəlif rənglərə boyanmış 5 ev var. Hər bir evdə müxtəlif ölkənin vətəndaşı yaşayır. Onlardan hər biri öz içkisini içir, öz siqaretini çəkir və öz ev heyvanlarını bəsləyir. Sakinlərdən hansının balıq saxladığını müəyyən et!
1. Britaniyalı qırmızı evdə yaşayır.
2. İsveçli it saxlayır.
3. Danimarkalı çay içir.
4. Yaşıl ev ağ evin ən yaxın solunda yerləşir.
5. Yaşıl evin sahibi qəhvə içir.
6. “Pall-Mall” siqareti çəkən quş saxlayır.
7. Sarı evin sahibi “Dunhills” siqareti çəkir.
8. Orta evin sahibi süd içir.
9. Norveçli birinci evdə yaşayır.
10. “Blends” siqareti çəkən şəxs pişik sahibinin qonşuluğunda yaşayır.
11. At saxlayan “Dunhills” siqareti çəkənin qonşuluğunda yaşayır.
12. “Blue Master” siqareti çəkən, pivə içir.
13. Alman “Prince” siqareti çəkir.
14. Norveçli göy evin yanında yaşayır.
15. “Blends” siqareti çəkənin su içən qonşusu var.
Albert Eynşteyn bu məsələni XX əsrin əvvəllərində tərtib edib. O, iddia edirdi ki, insanların 98 faizi bu məsələni həll edə bilməz.
28.06.2021
