İntibah dövrü - portret janrının və onun tərkibinə daxil olan janrlardan biri - avtoportretin çox sürətlə inkişaf edərək dirçəldiyi bir dövrdür. Təsvir edənin şəxsi portreti avtoportret adlanır, təsviri sənətin rəngkarlıq, heykəltəraşlıq və qrafika növlərində yaradılır.

İnsanlar rəssamların öz rəsmlərindən başqa hər şeyi çəkəcəyini düşünür, amma bu belə deyil. Rəssamların diqqəti cəlb edən xüsusiyyətlərindən biri də avportret çəkmə bacarıqlarıdır. Avtoportret müxtəlif profildən və müxtəlif vasitələrlə çəkilir. Bir çox halda avtoportretlərin çəkilməsində köməkçi vasitə kimi güzgüdən istifadə olunur. 

Bir çox rəssamlar özlərinin avtoportret təsvirlərini yaratmışlar. Rembrandt özünün çoxsaylı portret təsvirlərini yaratmış rəssamlardan biri kimi çox məşhurdur.

Rembrandt holland rəngkarlığının qızıl dövründə yaşayıb-yaratmış görkəmli rəssam, qravürçü və işıq-kölgənin mahir ustası kimi tanınmışdır.

Rembrandtın sənəti onun şagirdlərinin və hər bir holland rəssamının yaradıcılığına dərin təsir göstərmiş, dünyada realist sənətin inkişafında mühüm rol oynamışdır.