Tofiq Mahmud. Atasını sevən qız
Ata işə gedəndə
Dalınca qaçır Süsən.
Ata işdən gələndə
Qapını açır Süsən.
Ata götürüb yerdən
Göyə qaldırır onu.
Qucaqlayır, o, şən-şən
Atasının boynunu.
Atası dincələndə
Otağa səssiz girir,
Atası işləyəndə
Ona çay da gətirir.
İstirahət günləri
Şəhərə çıxır onlar,
Gəzib bütün şəhəri
Hər yerə baxır onlar.
Atasız qalan zaman
Kədərlənir o şən qız.
Ayrılmır atasından
Atasını sevən qız!
24.05.2021
