Tofiq Mahmud. Hirsli arı
Bir oğlan
Bir arıya sataşdı,
Gah vurdu,
Gah da çubuqla qovdu,
Başına oyun açdı.
Bu arı
Birdən-birə dəyişib,
Sanki od-alov saçdı.
Onun dızıtısından,
Onun vızıltısından
Oğlanı qorxu aldı,
Odur ki,
İldırım kimi qaçdı.
Axı hara qaçır o?
Arı cumdu dalınca,
Çay kimi aşdı-daşdı.
Və birdən
Onun burnundan sancdı.
Ay aman!
Bu oğlan
Görün, nə günə düşdü,
Deyin, bu necı işdi,
Burun qoz boyda şişdi...
Mənim bir sualım var,
Kimdir, kimdir günahkar?
20.05.2021
