Qlossofobiya - səhnə və ictimaiyyət qarşısında çıxış etmək qorxusudur. Digər adları loqofobiya və peyrafobiyadır. Qlossofobiyanı ruhi xəstəlik adlandırırlar.

Tamaşaçılar böyük zalda (auditoriyada) və ya kiçik (ofislərdə) ola bilər, ancaq onların qarşısında çıxış etmək, qlossofobiyadan əziyyət çəkən insanları, çox narahat edir. 

Bir insan öz sahəsində yaxşı bir mütəxəssis ola bilər və danışmaq üçün lazım olan materialları yaxşı bilən olar, amma tamaşaçı ilə qarşılaşdıqda, tamamilə özünü itirir, sözləri unudur və fikrini cəmləyə bilmir. Bütün bunlar qlossofobiyadan əziyyət çəkən insanların həyatının keyfiyyətini əhəmiyyətli dərəcədə pozur, karyera nərdivanından hərəkətə mane olur və özünə güvənini azaldır. Məktəblilər və tələbələr də tez-tez qlossofobiyadan əziyyət çəkirlər. Belə tələbələr və məktəblilər dərslərini yaxşı bilsələr də, normal bir dərsə cavab verə bilmirlər, imtahan verərkən əziyyət çəkirlər. Təbii ki, bu, şagirdin və ya tələbənin fəaliyyətinə mənfi təsir göstərir. Psixoloji araşdırmalara görə, insanların 95% -i səhnə qorxusundan əziyyət çəkir. Ona görə də bir çox insanlar bu problemlə maraqlanır və bununla məşğul olurlar.

Qlossofobiya aşağıdakı simptomları ilə müşahidə edilir: şəxsin səsi titrəməyə başlayır,  səs tembri dəyişir, əzələ gərginliyi əmələ gəlir, ürək döyüntüsü sürətlənir, nəfəsi daralır, tərləmə artır, başgicəllənmə və ya baş ağrısı, ürəkbulanma yaranır və ağzı quruyur. Fərqli insanlarda bu simptomlar müxtəlif intensivliyə malikdir.