Rodos nəhəngi – Rodos adasını himayə edən Günəş tanrısı Heliosun nəhəng heykəlidir. Heykəl eramızdan əvvəl 292-280-ci illərdə Rodos adasının uğurlu müdafiəsi şərəfinə ucaldılmışdır. Abidənin yaradılması antik dövrün məşhur heykəltəraşı Lissipin şagirdi  Xaresə həvalə olunmuşdur.  Xares heykəli  12 il ərzində hazırlamışdır.  

Dənizlə şəhər darvazaları arasındakı bazar meydanında qoyulmuş 36 metrlik tunc heykəldə gənc oğlan təsvir olunmuşdu. Onun möhkəm ayaqları azacıq aralı, sağ əli gözlərinin üstündə idi.   Başında günəş şüalarının rəmzi olan tac vardı. 

Yarım əsrdən sonra  adada baş verən zəlzələ nəticəsində Rodos nəhənginin ayaqları sınmışdır. Heykəl dənizə yıxılmış  və təxminən 1000 il sahildə bu vəziyyətdə qalmışdır.  Heykəl haqqında cürbəcür əfsanələr yaranmışdır. Lakin eramızdan əvvəl 977-ci ildə  heykəli hissələrə ayıraraq satmaq qərarına gəlmişlər. Qədim əlyazmalarda göstərilir ki, heykəlin hazırlandığı tuncun daşınması üçün 900 dəvə lazım olmuşdur.  Nyu-York buxtasındakı Azadlıq heykəlinin timsalında Rodos nəhənginin  obrazı yaradılmışdır.