İki fotoqraf Botsvananın şimalına safariyə yola düşmək qərarına gəlir. Onlar burada çox maraqlı bir əhvalatın şahidi olurlar. Təsadüfən dişi şirlər tərəfindən təqib olunan bir dəstə ( təqribən 30) babuinə rast gəlirlər. Təəssüf ki, şir meymunlardan birini yaxalayır. Fotoqraflar hadisəni müşahidə etmək qərarına gəlirlər, çünki ölü meymunun balasının hələ də onun qucağında olduğunu görürlər.
Şir ölü meymunu aparmaq istəyəndə bala meymun anasının cansız bədənini buraxıb yaxınlıqdakı ağaca tərəf qaçır ki, dırmaşıb canını qurtarsın.
... amma bunu etməyə gücü çatmır. Şir ona yaxınlaşır. Fotoqraflar şirin onu parçalayacağını gözlədikləri anda...
... çox təəccüblü də olsa, şir körpə babuinə yalnız nəvaziş göstərir. O, hürkmüş bala meymunla oynamağa başlayır. Bala meymun yaralı və çox zəifdir. Növbəti kadr hamı üçün lap gözlənilməz olur...
Bala meymun sakitləşib şirlə oynamağa başlayır.
Başqa şirlər də yaxınlaşıb maraqla tamaşa edir. Heç biri bala meymunu incitməyə çalışmır. Erkək şir gələndə vəziyyət dəyişir ... Hiddətlənən erkək şirin vəhşi nəriltisi ətrafa yayılsa da, onun nəriltisinə cavab gözlənilməz olur...
Yaxınlıqdakı ağacın budaqlarında oturan erkək babuinlər bu hadisəni dəqqətlə izləyir. Fürsət düşən kimi onlardan biri aşağı tullanıb bala meymunu özü ilə aparır.
06.02.2015
