Nağıllar, hekayələr
Yusif Kərimov. Gecə və gündüz
Gündüz Gecədən soruşdu:
– Sənin adın nədir?
Gecə cavab verdi:
– Gecə.
– Bəs sabah adın nə olacaq?
– Bu nə deməkdir? Elə sabah da Gecə deyəcəklər.
– Bəs dünən adın nə idi?
– Əlbəttə, Gecə.
Gündüz sevinə-sevinə dedi:
– Mənim adım bu gün Bazar ertəsidir, sabah Çərşənbə axşamı olacaq. Dünən isə adım Bazar idi.
Gecə təəccüblə Gündüzün üzünə baxıb, başını buladı.
08.07.2021
