- Yarpağı pəncə-pəncə

Hansı ağacdır, səncə?

- Şabalıddı, ya palıd!

- Tapmadın, ay Salatın!

Axıracan qulaq as.

Çiçək açmaz, gül açmaz

Başqa ağaclar kimi-

Alma kimi, nar kimi.

Meyvəsi düymə-düymə,

Düyməsinə əl dəymə.

Su verməsən, kal düşər,

Yarpağının üstünə

Sarı-sarı xal düşər.

Nə zaman ki, yetişər-

Düyməsinin ucundan

Daml-damla bal düşər.

Pöhrəsi zəncir-zəncir,

Həyətdən evəcəndir.

Adı nədir bəs?

- Əncir!