Səhər tezdən çıxdıq bağa,

Quş qonmuşdu hər budağa.

Baxdı sola, baxdı sağa

Qaranquşlar civildədi,

Bildirçinlər cikkildədi,

Cəh-cəh vurdu sarı bülbül,

Sevindi bağ, sevindi gül.

Quşlar mahnı oxudular,

Dedik: - Əcəb səsiniz var.

Bahar deyil sizsiz bahar,

Biz heç sizə daş atmarıq,

Budaqlardan uçurtmarıq.

Qayğınızı çəkərik biz,

Sizə yuva tikərik biz.

Qonaqsınız hər il bizə,

Dən səpərik hər gün sizə.

Qulaq asıb nəğmənizə

Söyləyirdik: - A şən quşlar,

Bu ellərdə yeriniz var.

Qonaqlara hörmət etmək

Xoşdur bizə nəğməniz tək.