Simax Şeyda. Dəcələ bax, dəcələ
Nadinc oğlandır Nicat,
Otura bilmir rahat.
Hərdən çəkib saçını,
Ağladır o, bacını.
Çıxan kimi eşiyə,
Daş atır it-pişiyə.
İt vurnuxur yerində,
Hürüb durur yerində.
Hürküdür toyuqları,
Tutmaq üçün onları.
Toyuqlar qanad açır,
Hərə bir yerə qaçır.
Hey, deyinə-deyinə,
Həyətə düşür nənə.
Nicatı tutmaq istər,
Tənbeh etsin bir qədər.
Osa qaçır küçəyə,
Məhəl qoymur heç nəyə.
Görənlər gəlir dilə,
Dəcələ bax, dəcələ.
19.04.2021
