Bir gün Durna qərara gəldi ki, meşədə məktəb açsın. Belə də etdi. O heyvan balalarını sinfə yığıb, dərs keçməyə başladı.

Durna yazı taxtasına ana sözünü yazıb dedi:

- Gəlin bu sözü birlikdə oxuyaq:

- A-na..

Balalar susaraq Durnaya təəccüblə baxdılar.

Durna Buzova yaxınlaşdı:

- De görüm: - a-na.

- Buzov dedi:

- mo-mo...;

Durna Çəpişə yaxınlaşdı.

Çəpiş dedi:

– mə- mə.

Durna balaca itə yaxınlaşdı:

Sən de görüm a-na:

İt dedi:

– hav-hav.

Sərçə dedi:

– cik-cik;

Qaz:

– qa-qa-qa;

Pişik dedi:

– myau, myau.

Durna anladı ki, ana sözünü hər bir heyvan öz dilində dedi. O bütün heyvan balalrına əla qiymət verdi.